Carnaval

from Lo vent de las cançons by Calandreta de Bocòna

	/

Streaming + Download

Includes unlimited streaming via the free Bandcamp app, plus high-quality download in MP3, FLAC and more.

Purchasable with gift card

€1 EUR or more
Buy the Full Digital Album

about

Aquí un mescladís de tèxtes tirats de :
- E. Chaubon, Essais chants inédits contes poésie en patois de Gascogne, 1937
- cançons tradicionalas de Turlututu, Talvera.
Musica : MR Brun de Tarabass'T
Prèsa de voses, mixage e mastering : Jérôme Pizzato.

lyrics

Lo carnaval

Avèm arrestat Carnaval,
aquel famós polit coquin,
a la sortida del grand bal.
Èra la nuèit a Legavin.

Pas de perdon, pas de pietat
per Carnaval lo grand golard.
Aurem la tranquilitat,
que pas jamai val melhor tard.

La leiçon aprendrà,
lo jorn del sacrifici,
Carnaval pagarà.
faràn un artifici.

Esperàn lo jutjament
que donarà sa decision.
Vaquí lo President
que pausarà la sanccion

En dos mots vos voli traçar
lo grand procès qu’anam jutjar :
Los planhes aquí son nombroses.
Mainatges mainatges serètz plan uroses
de véser la lei faita pel Tribunal
e lo jutjament rendut d’un biais imparcial.

Carnaval, lo polisson,
a ja balhat explicacions,
sens aver pas la permission.
Ai pas pus de questions.

Repic :
Carnaval es un gusas
a manjat tot lo milhàs
lo milhàs la melhassina
i a pas pus per la vesina
Carnaval es un gusas
dança coma un vièlh petaç
un petaç de tela fina
la panat a la vesina

Monsur lo President,
Vòli respondre doçament.
Ai pas perdut la rason,
e parlarai sens emocion.

Pòrti lo nom de Carnaval,
m’an arrestat, èra fatal.
De pichon nom, n’ai donc pas cap.
Quand soi nascut m’en a privat.

Mon pair, lo jorn que soi vengut,
M’a quitament quitament quitament pas reconegut.
Ma mair, dins tota sa misèra,
s’es accochada a la palhièra.
Enfin, tanlèu soi batejat,
lo nom de Carnaval ai portat.
Per mon atge soi mai fixat :
trenta sièis ans e mai, e mai passat.

Vaquí, vaquí Monsur lo President,
tota responsa, tota responsa pel moment
Lo procès que va seguir
abans que lo jorn se nega, vòli
pas, es normal,
vos forçar Carnaval.

Avètz ja pro parlat,
cresi qu’es acabat .
Vos podètz sietar.
Vos cal plan escotar
Lo jutjament es arribat
Carnaval serà cremat
E lo bonur per totes tornarà

credits

from Lo vent de las cançons, released May 26, 2022

license

about

Calandreta de Bocòna Léguevin, France

Los calandrons de la Calandreta de Bocòna an trabalhat dos ans per fargar aquest album. D'unas cançons foguèron escritas per eles mentre que d'autres son manlevats a d'autors mai o mens conoguts.