Los calandrons - La fuèlha mòrta

from Lo vent de las cançons by Calandreta de Bocòna

	/

Streaming + Download

Includes unlimited streaming via the free Bandcamp app, plus high-quality download in MP3, FLAC and more.

Purchasable with gift card

€1 EUR or more
Buy the Full Digital Album

about

Poesia de Laurent Ruffié dins "Les garrabièrs en flors"
Cantaires :los calandrons
Musica: Sébastien Gonzalez
Prèsa de las roses, mixage e mastering : Jérôme pizza to

lyrics

La fuèlha mòrta

Qué venes far sul tard davant la vièlha pòrta
Capetada de ros, pichona fuèlha mòrta.
Carrejada pel vent, dempuèi le bòsc mairal.
Trimarda de decembre’en cèrcas d’un ostal ?
Tu qu’èras le mantèl e la còfa daurada
Domaisèla d’onor, lusenta’e dentelada
D’un grand casse felhut piquetat sul coston
Quistas, aqueste sèr, le solaç d’un canton.
Tu qu’as senhorejat sus la pus nauta cima.
Vestida de velós al rosal de la prima,
Mantelada d’aur fin jos la siauda tardor,
Espèras, pietadosa, un pecic de calor.
Te durbirai sul còp, tu que l’autan remena,
Que venes, sens brut, anèit, sostar ma pena,
Jo qu’ai pas ni fagòt, ni le mendre tison,
T’alandarai mon còr qu’es ma sola maison.
Se le cèl es escur, cargat de dolentisa,
Mai se plau dins l’ostal e se rauja la bisa
Dins lo lum de l’espèr d’un calelh atudat,
Per delà les rantèls, trobaràs l’estelat
Se damòras anèit davant la vièlha pòrta
Deman t’engranaràn, pichona fuèlha mòrta,
Deman t’acaçaran e tot sera cachat,
L’òme coma l’autan se jautan del passat
Vèni donc en çò miu t’amagar dins l’armari
Al fons d’un tireton de casse centenàri
Jos les plecs plan lissats d’un chale mirgalhat
Que palsèma tot doç le còr apasimat
E que me fa ton sòrt, mai se le vent t’empòrta,
una nuèit, jo tanplan, serai dins ton escòrta
Foletejant sens cès, pujant al campanal,
E dins un revolum, al fons de l’estremal.
E que me fan, anuèit, tos planhs e ta destressa
Jo l’òme que m’en vau dins la brumaca’espessa
Trigossant dins le sac, un quilh de polverin
Tot acatat sul pal, pietadós pelegrin.
Pietós e solivol davant la granda pòrta
Regaunhada de fèrs com’ una plaça fòrta,
L’alenament copat, le còr tot trampelant
De dobtança’e de paur davant le mèstre grand.

Laurent Ruffié « Les garrabièrs en flors »

credits

from Lo vent de las cançons, released May 26, 2022

license

about

Calandreta de Bocòna Léguevin, France

Los calandrons de la Calandreta de Bocòna an trabalhat dos ans per fargar aquest album. D'unas cançons foguèron escritas per eles mentre que d'autres son manlevats a d'autors mai o mens conoguts.